Þjóðaratkvæðagreiðsla um aðildarviðræður við ESB
Í þjóðaratkvæðagreiðslunni 29. ágúst 2026 svara kjósendur einni spurningu með því að merkja X við já eða nei: „Á Ísland að hefja á ný aðildarviðræður við Evrópusambandið?“
Hvað viltu vita?
Hér má finna svör við mikilvægum spurningum varðandi þjóðaratkvæðagreiðsluna, aðildarviðræður og Evrópusambandið.
Skoða spurningar og svörHvað gerist?
Hvað gerist ef meirihluti svarar „já“?
- Ísland hefur aðildarviðræður við Evrópusambandið á ný.
- Það felur ekki í sér endanlega ákvörðun um inngöngu Íslands í Evrópusambandið.
- Markmið aðildarviðræðna er að gera aðildarsamning. Það er samningur við aðildarríki Evrópusambandsins um að Ísland gerist aðili að sambandinu.
- Ef viðræðurnar skila aðildarsamningi hefur ríkisstjórnin boðað að haldin verði önnur þjóðaratkvæðagreiðsla um hvort samþykkja eigi þann samning.
- Alþingi og utanríkisráðherra þyrftu að samþykkja samninginn.
- Einnig þyrfti að breyta stjórnarskránni áður en Ísland gæti orðið aðili að Evrópusambandinu. Allar stjórnarskrárbreytingar þarf að samþykkja af tveimur þingum með alþingiskosningum á milli.
Hvað gerist ef meirihluti svarar „nei“?
- Þá hefjast ekki aðildarviðræður við Evrópusambandið.
- Ísland verður ekki aðildarríki Evrópusambandsins.
- Það er þó ekki útilokað að Ísland hefji aðildarviðræður í framtíðinni.
Samkvæmt kosningalögum er þjóðaratkvæðagreiðslan ráðgefandi. Ríkisstjórnin hefur boðað að hún muni fylgja niðurstöðunni en það er ekki lagaleg skylda.
Á þessum vef verður gengið út frá því að niðurstöðunni verði fylgt.