Fyrir kjósendur
Þjóðaratkvæðagreiðsla um hvort hefja eigi á ný aðildarviðræður við ESB fer fram laugardaginn 29. ágúst 2026.
Hver má kjósa?
Íslenskir ríkisborgarar sem eru með lögheimili á Íslandi og hafa náð 18 ára aldri á kjördag hafa rétt til að greiða atkvæði.
Íslenskur ríkisborgari sem hefur átt lögheimili á Íslandi, á kosningarrétt í 16 ár frá því að hann flytur lögheimili af landinu. Eftir þann tíma þarf kjósandi að sækja um að vera settur aftur á kjörskrá. Hafi umsókn hans verið samþykkt gildir hún í fjögur ár.
Erlendir ríkisborgarar hafa ekki kosningarrétt í þjóðaratkvæðagreiðslu.
Kjósandi þarf að sýna fram á að hann sé sá sem hann segist vera t.d. með því að framvísa skilríki með mynd.
Uppfletting í kjörskráNánar um kosningarétt í þjóðaratkvæðagreiðslu
Hvernig kýs ég?
Utan kjörfundar
Ef kjósandi getur ekki kosið á kjördag er hægt að kjósa utan kjörfundar. Atkvæðagreiðsla utankjörfundar hófst 27. júlí.
Innanlands fer utankjörfundaratkvæðagreiðsla fram hjá sýslumönnum
Erlendis fer utankjörfundaratkvæðagreiðsla fram hjá sendiráðum og kjörræðismönnum
Aðstoð við kosningu
Þú átt rétt á því að fá aðstoð við að kjósa.
Um upplýsingaöryggi
Það er mikilvægt að leggja mat á áreiðanleika og öryggi þeirra upplýsinga sem birtar eru í tengslum við þjóðaratkvæðagreiðsluna. Með því að beita gagnrýnni hugsun tekur þú, sem kjósandi, upplýsta ákvörðun í samræmi við þína sannfæringu.
Gefnar hafa verið út stuttar leiðbeiningar til kjósenda sem eru unnar í samstarfi landskjörstjórnar, Fjölmiðlanefndar, Fjarskiptastofu, CERT-IS, Persónuverndar og embættis ríkislögreglustjóra.
Skoða leiðbeiningar
Netvís - Netöryggismiðstöð Íslands hefur sett í loftið fræðslusíðu um upplýsingaöryggi á netinu.
Skoða fræðslusíðu Netvís
Myndbirting af kjörseðlum
Atkvæðagreiðsla er leynileg. Leynd atkvæðisins verndar frelsi kjósenda og er ein af grunnforsendum lýðræðislegra kosninga.
Á grundvelli þess eru kjósendur hvattir til að taka ekki myndir af útfylltum kjörseðlum eða birta slíkar myndir opinberlega.
Það að segja öðrum frá því hvernig maður greiddi atkvæði er ekki talið rjúfa leynd kosninganna. Hins vegar er birting myndar eða myndbands af útfylltum kjörseðli talin rjúfa leynd kosninganna.
Kosningavefur landskjörstjórnar á Ísland.is
Á vefnum er að finna nánari upplýsingar um framkvæmd kosninga, mikilvægar dagsetningar sem og hlekki á lög, reglugerðir, reglur, ýmis eyðublöð og fleira.
Opna kosningavef á Ísland.is
